Glæsilegt einbýlishús á tveimur hæðum með fallegu útsýni á eftirsóttum stað við Elliðavatn í Kópavogi. Efri hæð er ókláruð og eru því miklir möguleikar á að innrétta eftir eigin smekk.

• 342.5 fm hús á tveimur hæðum.
• Grunnur fyrir hesthús á lóðinni og búið er að steypa sökkla.
• Byggt árið 2009.
• Stórar svalir með frábæru útsýni.
• Miklir möguleikar.

Seljandi sýnir sjálfur og er hægt að bóka skoðun í síma 771 1540 eða á [email protected]

Birt stærð samkvæmt Þjóðskrá Íslands er 342.5 m2 þar af er bílskúr skráður 34.5 m2. Einnig er 90 fm grunnur fyrir hesthús. Fasteignamat fyrir 2023 verður 124.400.000

Neðri hæð skiptist í anddyri, bílskúr, stofu, þrjú svefnherbergi, baðherbergi, sjónvarpshol, þvottahús, geymslu og eldhús. Efri hæð er ókláruð og gert ráð fyrir eldhúsi, baðherbergi, stofu og borðstofu ásamt hjónaherbergi með fataherbergi og salerni.

Nánari lýsing neðri hæðar:

Svefnherbergin eru þrjú og eru þau öll björt og rúmgóð herbergi með innfelldri lýsingu.
Baðherbergin eru tvö, annað með sturtu og hitt með baðkari og sturtu.
Eldhús er rúmgott og með snyrtilegum hvítum innréttingum.
Einnig eru á hæðinni fínt sjónvarpsherbergi, þvottahús og geymsla
Bílskúrinn er skráður 34.5 fm., innangengt úr þvottahúsi.
Loft á neðri hæð eru niðurtekin að hluta með innfelldri lýsingu.
Auðvelt að skipta neðri hæð niður í aukaíbúð með sér inngangi úr suðurátt.

Það vantar gólfefni á neðri hæð.

Nánari lýsing efri hæðar:

Efri hæð er tilbúin undir tréverk og mögulegt að breyta skipulagi eftir ósk kaupanda. Steyptur stigi á milli hæða.

Búið er að draga raflagnir í efri hæð.

Gert er ráð fyrir dúk í loft á alla efri hæðina. Fyrir liggur tilboð í uppsetningu dúks. Gert er ráð fyrir innfeldri lýsingu og faldri lýsingu að hluta. Lýsingar- og ljósahönnun var í höndum Lúmex og búið er að fá ljósapakka/tilboð sem hægt er að ganga inn í.
Samkvæmt fyrirliggjandi teikningum er gert ráð fyrir rúmgóðu eldhúsi (20fm),
stórri samliggjandi stofu og borðstofu með gestabaði (87 fm). Einnig er á teikningu hjónasvíta (41 fm) með baðherbergi og stóru fataherbergi.

Stórar og glæsilegar svalir með góðu útsýni yfir Esjuna. Svalirnar eru yfirbyggðar að hluta.

Húsið er að mestu leyti tilbúið að utan. Búið er að bræða tvö lög af dúk á þakið en það á eftir að einangra.

Mahogany hurðar og gluggar eru í öllu húsinu.

Lýsing byggingarinnar er að mestu hugsuð með innfelldum led ljósum.

Búið er að bræða eitt lag af asphalt dúk á svalagólf.

Bílaplan er 170fm með snjóbræðslu.

Varmaskiptir fyrir neysluvatn er í húsinu.
Vönduð blöndunartæki frá Gessi fylgja með fyrir efri hæð (óopnuð).

Gólfhiti er í húsinu sem er frágenginn að undanskildum hitastillum í herbergjum.

Lóðin er ófrágengin fyrir utan bílaplan, en á lóðinni er einnig grunnur fyrir hesthús, búið er að steypa sökkla og dren og niðurföll komin.

Lokaúttekt á húsinu hefur ekki farið fram

Hér er um að ræða mjög vandað steinsteypt einbýli með fjórum svefnherbergjum, þremur salernum, innbyggðum bílskúr og stórum svölum á frábærum stað í Kópavoginum með útsýni yfir Esjuna.

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill seljandi því skora á væntanlega kaupendur að kynna sér vel ástand fasteignarinnar fyrir kauptilboðsgerð og leita til þar til bærra sérfræðinga um nánari skoðun.

Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.