** Fyrirspurnir og til að bóka skoðun: Gylfi 897-5348 / [email protected]

Til sölu er skemmtilegt tveggja hæða 4-5 herbergja endaraðhús, frábærlega staðsett í afar rólegu og eftirsóttu hverfi. Það er um 5-10 mínútna gangur í grunnskóla, öflugt íþróttastarf og líkamsrækt. Stutt í fjölbreytta göngustíga og útivist í Kópavogsdal og um 10 mínútna gangur í verslanir og veitingastaði í Smáralind, við Smáratorg og við Dalveg. Heilsugæsla í göngufæri. Gott aðgengi að almenningssamgöngum og stoppistöð Borgarlínu er áætluð í 5-10 mínútna göngufjarlægð.

Húsið er 183,8 fm. samkvæmt fasteignaskrá og þar af er bílskúr rúmir 20 fm. Efri hæð er undir súð og því eru nýtanlegir fermetrar mun fleiri en fermetratalan gefur til kynna.

Neðri hæð: Anddyri, hol, eldhús, þvottahús, baðherbergi, stofa, sólstofa og hjónaherbergi.

Efri hæð: Alrými, tvö svefnherbergi, geymsla og lítið baðherbergi.

Nánari lýsing:
Lóð: Gróinn garður, afgirtur og hentar því vel fyrir börn. Fánastöng. Við húsið eru tveir skjólgóðir sólpallar, annar vísar í austur og hinn í vestur. Lóð var endurnýjuð vestan megin húss sumarið 2022. Upphitað bílaplan rúmar tvo bíla. Hleðslustöð fyrir rafbíl gæti fylgt. Við uppsetningu á hleðslustöð var rafmagnstöflu breytt til að hleðslustöð gæti hlaðið allt að 22kW.

Anddyri. Flísar á gólfi. Fataskápur, fatahengi og hilla.

Hol. Bjart hol, parket á gólfi.

Eldhús. Flísar á gólfi og milli efri og neðri skápa i eldhúsinnréttingu. Nýleg AEG eldavél með keramik helluborði. Nýleg Bosch uppþvottavél gæti hugsanlega fylgt. Nýlegur ísskápur gæti hugsanlega fylgt. Innrétting upprunaleg. Gluggar í vestur og norður. Lítið þvottahús og búr inn af eldhúsi. Flísar á gólfi.

Baðherbergi. Flísar á gólfi og veggjum. Baðkar og sér sturtuklefi.

Stofa og borðstofa. Parket á gólfi. Flísalögð sólstofa. Út úr sólstofu er gengið út á eystri sólpall og út í garðinn. Pallur hellulagður.

Hjónaherbergi. Parket á gólfi. Rúmgóðir fataskápar.

Gengið er upp fallegan harðviðarstiga upp á efri hæð:

Alrými sem í dag er nýtt sem setustofa og skrifstofa. Parket á gólfi. Mikil lofthæð. Þiljuklætt loft gefur hlýlegt yfirbragð.

Tvö rúmgóð svefnherbergi, parket á gólfum, lausir fataskápar sem gætu hugsanlega fylgt.

Lítið baðherbergi með salerni og vaski. Flísar á gólfi og við vask. Lítil innrétting við vask. Ófrágengið skriðloft sem nýta má sem geymslu.

Geymsla/herbergi sem teiknað er sem óhituð geymsla en núverandi eigendur létu setja ofn þar inn og nýttu sem barnaherbergi og því má auðveldlega hafa fjögur svefnherbergi.

Í bílskúr er gólf flísalagt en veggir og loft málað. Hluti lofts óklæddur. Fjarstýrð bílskúrshurð.

Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill seljandi því skora á væntanlega kaupendur að kynna sér vel ástand fasteignarinnar fyrir kauptilboðsgerð og leita til þar til bærra sérfræðinga um nánari skoðun.

Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.